睇波先嚟冇飛，唔通連個天都唔鍾意我？凡事無絕對，即使你冇世界盃門票，在巴西一樣可以走進國際足協為球迷特設的Fan Fest，與近萬球迷一同睇波之餘，更可免費睇show及玩遊戲，享受非一般的睇波體驗，氣氛絕對媲美親臨球場！
文：鄧永賢、鄭兆聰@聖保羅
上周五舉行的3場世界盃分組賽，雖然全部在聖保羅以外上演，但這個巴西最大城市，仍能延續揭幕戰帶來的熱鬧，當中最旺的自然是位於市中心的FIFA Fan Fest。該處鄰近Anhangabau地鐵站，交通方便之餘，對於要省錢的遊客而言，更重要是可以免費入場睇波。
設跳樓機形同樂園
睇波最重要的，當然是氣氛。儘管Fan Fest可容納的球迷數目，肯定不及任何一個世界盃球場，不過要逼爆整個會場，至少也要數千甚至過萬球迷；由於上周五有西班牙於B組大戰荷蘭的去屆決賽翻版，現場保守估計都有近萬球迷齊齊透過大電視欣賞比賽，氣氛絕對一流。
在荷、西大戰前，較早時間先有A組墨西哥對喀麥隆的戲碼做「前菜」。至於不想睇足全日的朋友，除了聽歌、跳舞自娛外，在睇波區外仍有大量攤位任君選擇，既有老少咸宜的攤位遊戲，亦有青年最愛的足球電玩；最令人驚喜的是，連主題樂園才會有的大型機動遊戲如跳樓機等，也在這裏出現，總有一款合你心水。
勝利球迷歌舞翩翩
終於等到去屆世盃決賽翻版戰的「主菜」上演。眼見衞冕的西班牙先拔頭籌，令現場佔較多數的荷蘭躉愁眉苦臉；但當愛隊入完一球又一球，這班橙衫兵團球迷便進入瘋狂狀態，甚至脫衣慶祝！而在「前菜」旗開得勝的墨西哥球迷，眼見荷蘭球迷突然成為現場記者的焦點，亦把握機會上前熱情地同唱勝利之歌，分享勝利者的喜悅。
剛大學畢業的橙迷Niko激動地說︰「本來也有途徑買到今場大戰的門票，但賣方索價450歐元（約4,500港元），所以最終忍痛放棄。但最重要是我們贏波，而且入了5球！梅開二度的洛賓絕對是今場的最佳球員！」
至於落敗的狂牛迷David則未受現場橙迷挑釁︰「上屆決賽贏了他們，就當補償給他們。這只是分組賽，而且是第一場，沒甚麼大不了，下場再來過。唯一承認的是，卡斯拿斯今仗表現奇差。」
識睇 一定睇蘋果嘅足動世盃：
http://worldcup2014.appledaily.com/