【壹週刊】文華啫，中環都有兩間啦，又有幾大件事呀！對台北嚟就真係好大件事。
被喻為全台北第一間超五星級酒店，最平嘅客房都要成4千幾蚊晚，因為夠大，最細房都有成600呎，喺全台北酒店界史無前例，入到去真係有啲似入住布吉蘇豪resort。
食之外，文華有兩種貼心服務，一係管家收衫，客人將要清洗衣物放喺房內提定位置，按一下個製，管家即喺ipad 收到指示，唔洗開房門就可以打開洗衣格收衫，完全唔會騷擾到客人。仲有一個喺洗手間發熱地板，冬天幾凍都好，腳板唔會凍親。
不過，最受歡迎嘅係酒店入面餐廳，當中以意大利餐廳Bencotto最具名氣，晚餐訂位已經去到七月。由米芝蓮三星級意大利廚Mayio Cittadini主理，一道菜都係$200以下，係喺蘇豪街邊都未必得喎。
呢間超五星級酒店，下次去台北不妨去住番晚，親身體驗超豪華享受。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android