恒地(012)主席李兆基發聲,話買地產股回報好過買樓。自己都賣緊樓,四叔咁講咪係倒自己米?但老樓卻認為,四叔都係純以投資回報講吓意見,無論買樓抑或買股都係睇有幾多本錢來決定,以及可以冒多少風險。
四叔實話實說,手上若有1,000萬元閒錢會選擇買股,因買樓收租兩年後增長甚少。地產股股價較資產淨值折讓大,形容為好着數。但對用家而言,買樓目的自住,而四叔純以投資角度出發,試問買完樓何來閒錢買股票。
樓價跌唔落,證券界突唱好地產,去年多次看淡樓市的花旗銀行,近日轉軚看好,更平反市場看淡樓市三大原因。第一,未來每年新增供應1.3萬至1.4萬單位,低於政府1.88萬個目標及市場1.5萬個的剛性需求。第二,美國會有序加息,於3至3.5厘見頂,本港仍處負利率。第三,坊間認為地價低等於低樓價,但這忽略高建築成本。中小型物業價格經過15個月整固後已走出谷底,該行由原先估計今年樓價跌一成,調整為持平。而市場普遍預期樓價至2015年底有兩至三成跌幅,反成地產股上升契機。
似是巧合,連日來地產代理高層亦先後唱好地產,如荃灣環宇海灣銷售持續暢銷,二手轉活機會高。
商界為樓市大合奏,又為後市大力發聲!買家怎辦?
劉兆昌
資深地產傳媒人
http://www.HKLau.com
識睇 一定睇蘋果嘅足動世盃:
http://worldcup2014.appledaily.com/