彭順結束在北京的新片《逃出生天2》籌備工作，前日傍晚轉機經香港飛返馬來西亞，有線記者入到機場禁區採訪彭順，不過他全程黑面，多次露出不屑表情。問開續集是否為挽救婚姻？彭順起初還保持好態度說：「部戲好似係寰宇投資喎。」之後問他私生活對個人的影響時，彭順開始黑面，記者追問不答是否怕講多錯多？他即不屑說：「你答咪得囉，你繼續講得㗎喇！」
問到返北京買屋給小三Liddy（李悅彤）的傳聞？彭順更加黑面兼擰轉面，再問會否因太多傳聞而痛苦？他寸爆答：「哈哈！痛苦呀？」隨後他聲稱只答有關工作問題，問到會否擔心觀眾反應？彭順輕鬆說：「唔擔心，戲好睇就睇，唔好睇就唔睇。」
撰文：麥萍萍
【622公投 我撐普選】毅行直播
流動版網頁： http://622popvote.appledaily.com