雙方互有好感瑪姬讚鄭敬基好仔

雙方互有好感
瑪姬讚鄭敬基好仔

現年51歲的鄭敬基與現年27歲的DBC數碼電台女DJ瑪姬傳緋聞,更有報道指兩人已共賦同居階段,雖然事後鄭敬基否認同居,但承認與女方「啱傾」。日前有讀者向本報爆料,聲稱在上月尾於將軍澳PopCorn的翡翠拉麵小籠包,目睹鄭敬基、瑪姬以及一名圈外女子共晉晚餐,其間見到三人言談甚歡,鄭、瑪二人更越坐越近,態度親暱。

「食得飯梗啱傾」

昨日在電話上向鄭敬基求證此事,他稱當晚與瑪姬用膳,否認同行另一的女子是他的女兒,只是一個澳洲朋友。問到最近兩人的緋聞傳得火熱,會否影響兩人的發展?他笑說:「我冇特別去理呢啲嘢,食得飯梗係關係好,要搵啱傾朋友一齊,我哋係好傾嘅朋友,只不過好難得我呢年返嚟做嘢,未試過喺工作上有咁多嘗試,所以我想先專注喺工作方面,呢四年一啲都冇諗感情,亦冇諗過點樣喺感情方面去盡力。」不過言談間他都承認對女方的印象好好。

「上咗佢屋企食」

再問鄭敬基身在外地的女兒又是否知道他的緋聞?他說:「我哋冇講呢啲,一來佢唔睇中文,二來我同好多朋友出去食飯、睇戲,瑪姬係一個幾好傾嘅腳,我相信如果有嘅話,我囡囡會好開心。」不過如果真的和瑪姬拍拖,囡囡又會否接受?他則說:「我個女覺得最緊要嗰個人係好錫同好支持爸爸,但係𠵱家大家係朋友,我又冇諗呢樣嘢先。」
女主角瑪姬前晚出席在荃灣舉行的世界盃活動,亦被問到此事,她說:「大家諗多咗,同佢(鄭敬基)係朋友,其實諗住去間舖頭食嘢,但嗰日好多人,所以買咗外賣,上咗佢(鄭敬基)屋企食,因為佢屋企喺附近,嗰日佢媽咪同工人都喺度,非常安全。」雖然她未感到對方有意追求,但承認對他的印象不俗:「佢絕對係好好男仔,同埋係好虔誠基督徒,因為成日一班人出去,佢都會講神。」至於年紀的相距,她說:「唔係報道出嚟都唔知佢呢個歲數,作為朋友,唔關年紀事,作為另一半的話,最緊要係真心對我好。」
採訪:文國駿
攝影:沈健程

鄭敬基稱可以約食飯的朋友,必定要啱傾,當他獲悉被女方大讚好仔,直言感開心。

鄭敬基和瑪姬因訪問撻着。
資料圖片

電台DJ瑪姬坦言未feel到鄭敬基追求,但她大讚對方絕對是好好男仔。

瑪姬才貌兼備

鄭敬基的新歡瑪姬,原名張卓賢,今年27歲,有「全港最美麗DJ」之稱。瑪姬現於DBC數碼電台擔任DJ,之前是新城電台的台花。除了樣貌出眾,她讀理工大學期間憑優異成績獲頒「太古獎學金」。2013年獲香港大學直接取錄為英文系碩士學生。瑪姬也熱愛音樂,擁有英國皇家音樂學院8級鋼琴資格,兩年前,曾推出歌曲《諾貝爾愛情獎》。

【622公投 我撐普選】 毅行直播
流動版網頁:
http://622popvote.appledaily.com