終於等到C組開戰，終於等到睇日本，終於等到見香川真司。日本係亞洲代表，而且向來勝不驕敗不餒，越劣勢越有鬥心，呢種球隊真係好有魅力。世界排名上46位嘅日本於同組排名最低，今晚對科特迪瓦，撐日本是常識吧！
內田紅遍藝能界
日本除了地面組織悅目、鬥志可嘉之外，隊內都有唔少型仔球星要留意。首先一定要介紹右閘內田篤人（圖），不僅在德甲表現優秀，入選最佳11人，仲要好波又有星味，喺日本劇集、雜誌、寫真都長期人氣高企，他日掛靴可考慮做全職藝人。而追夢達人本田圭佑Honda仔係國寶，令大家知道《足球小將》係可以成真，Honda仔外型又酷又不羈，罰球係絕招之一。加埋睇落斯文誠實，踢落又硬淨聰明嘅10號香川真司，日本隊的中場定會帶給大家驚喜。
咩叫倒掛金鈎？
「倒掛金鈎」意指球員背向龍門下凌空翻身射門，係一種高難度嘅射門技術。希望Honda有機會戴志偉上身，表演一下倒掛金鈎！
文：陳婉婷
太陽飛馬助教
【622公投 我撐普選】 毅行直播
流動版網頁:
http://622popvote.appledaily.com