【本報訊】陳日君樞機說，今次走出來，是為了力谷6.22投票人數，而決定走足全程的小市民阮文煊卻表示，走出來是為了陳樞機：「佢已經係82歲老人家，我哋晚輩見到佢咁，梗係義不容辭。」
「唔出聲冇力量」
68歲的阮文煊是支聯會的資深義工，他今日起一連七日會與這班民主派重量級人物一起走足全程，原因是眼見一位八旬長者，也願意冒着炎熱暴曬的天氣走上街頭，每天走足20公里路，並不簡單，同時也因為發聲才能改變命運：「唔出聲係冇力量，但凡你唔滿意嘅嘢，只放在心裏，點能表達出嚟，你追女仔都要表白，唔係點追呢？道理一樣咋嘛」。
阮文煊承認，面對中共這個強大統治機器，不是「走兩步」便能爭取到民主普選，但不能失的是對爭普選的信念和堅持：「未必喺我哋呢代會見得到，但係日積月累一步一步慢慢達到目標。」
所以過去25年的六四集會，以及過去11年的7.1遊行，阮文煊從未試過缺席，但他並非在前線衝鋒陷陣，只是以義工角色，在背後默默支持：「我純粹都係搖旗吶喊，不過我個人就比較樂觀，覺得係一步一腳印，如果我一味要等上面（中央）嚟恩賜，係冇乜可能。」
識睇 一定睇蘋果嘅足動世盃：
http://worldcup2014.appledaily.com/