古天樂、Tony Jaa、任達華、吳京、張晉和盧惠光等人，昨日在黃埔出席電影《殺破狼II》記者會，雖然來自泰國的Tony Jaa屬打得之人，不過現場見到差不多有廿多個保安人員保護，認真大陣仗。
首次拍港產片的Tony Jaa，在台上用廣東話介紹自己：「多謝支持，有得食，食多啲。」訪問時Tony透過繙譯解釋，今次安排是經理人要求並說：「因為香港文化，會有人保護有名演員，同埋唔知香港人有乜人挑戰佢。」不過因為他在泰國，所以未遇過被人突然挑戰。懂得泰文的盧惠光，在戲中有幫手做繙譯，他說：「我主要係繙譯動作鏡頭俾Tony Jaa，為免有失誤。」他反而不願多談陳自強日前批評成龍一事，只說：「冇留意，冇咩講。30年前已冇嘢講，𠵱家都冇。」
拒談陳喬恩食煙
飾演奸角的古天樂，他稱戲中少不免有打戲，因本身都有舊患，所以有些要跳的鏡頭會隱隱作痛。對於有傳他會演出彭順執導的《逃出生天2》，古天樂稱聽聞只是籌備中，故不知內情。至於曾傳緋聞的陳喬恩被影到食煙相，古天樂表示未有看過。
採訪：溫敏芝
攝影：陳俊強
識睇 一定睇蘋果嘅足動世盃：
http://worldcup2014.appledaily.com/