世界盃開波！晨咁早爬起身睇波，睇完再瞓似乎浪費了周末，趁住父親節一家大細去搵節目都唔錯。即日起至7月20日，新元朗中心有個「A Time For Bricks 足球狂熱Ready to Goal」展覽，由本地樂高（LEGO）創作高手，以超過20萬顆LEGO砌出巴西世界盃揭幕戰及決戰場地，球場內的足球員、看台上的觀眾、球場外的小賣部等，皆逼真呈現。同場還有「樂高創意足球工作坊」，由LEGO創作高手指導，砌出至愛的足球員。
親子打機賽贏PS4
父親節周末城中還有不少活動推介，帶同小朋友到又一城歡天雪地溜冰，小朋友可以參加水晶球製作工作坊，親手製作水晶球送給父親，父親則可以獲贈餐飲券、購物禮券及精美禮品，入場費用理所當然由父親先付。V city 的「Mini Cream 狂歡世界盃」派對，有可能是父親杯茶的藝人高海寧及Super Girls做嘉賓，一齊玩遊戲。
鍾意打機的父親，黃埔新天地及始創中心都有親子打機比賽，前者設有現金獎，後者則有機會贏取Sony PS4遊戲機。
識睇 一定睇蘋果嘅足動世盃：
http://worldcup2014.appledaily.com/