【6.20-6.22投票】
「我出來行，係希望多啲人出來投票！」為爭普選，為向假普選說不，由多個民間團體及泛民政黨發起的84小時「毅行爭普選」，今起一連七日走遍全港各區共140公里、相等於三次半馬拉松路程，沿途呼籲市民下周五至日（6月20至22日）投票，支持真普選方案。82歲天主教香港教區榮休主教陳日君樞機將行足全程，希望力爭30萬人投票，告訴中央，港人不當奴：「如果放棄，就沒有希望。」
記者：姚國雄 麥志榮 黃雅盈
距離佔領中環6.20至6.22的全民投票日尚有不足一星期，為呼籲市民出來投票，民間團體和泛民發起這場毅行爭普選，足迹遍及全港各區，今日由中環遮打花園啟程，下午會到油麻地、大角嘴和美孚。
「香港人未被真正奴化」
除陳日君外，毅行者還包括前政務司司長陳方安生、民主黨創黨主席李柱銘、公民黨主席余若薇、工黨主席李卓人、佔中發起人朱耀明等。據悉，部份毅行參與者會在首兩天通宵繼續宣傳，包括佔中發起人陳健民。
陳日君昨在商台節目《在晴朗的一天出發》稱，雖然他年事已高，但決定走畢全程，目標是全民投票人數達到30萬，希望政府、中央最終會聆聽民意，給港人真普選：「香港人未被真正奴化，我哋仲係好介意我哋嘅尊嚴，俾人壓住嚟要我哋做奴隸，我哋會反抗。」
不少人對「投票有用嗎？中央會畀你真普選？」等滿腹疑團，陳日君認為，市民如今並非要想成事機會，而是問自己是否甘願放棄發聲的機會：「可能多啲人出嚟投票就有希望，如果你自己已經放棄，咁就冇希望。𠵱家唔係問你（公民提名）有冇機會成功，而係問你鍾唔鍾意。」全民投票日的三個方案均包括公民提名，陳日君認為，不應着眼於三個方案的分別，而是三個方案獲得的總票數。
對於建制派不斷呼籲泛民先接受未如理想的「中途」政改方案，再待日後改善，陳日君稱「梗係唔信」中共，因為香港人在普選問題上已遭中央多次欺騙，「唔可以信佢（中央）」，不諱言擔心看不到真普選：「照𠵱家呢個形勢，佢（中央）唔會畀（真普選）。」他提醒有票在手的泛民議員，日後即使與中央談判要妥協時，也要有底線，不能違背原則和良心。
黎智英：從黑暗行到光明
壹傳媒創辦人黎智英昨亦在《壹錘定音》節目中呼籲市民沿途加入，「希望睇唔到龍尾」，即使只走半小時或一小時：「從黑暗中行到光明，為香港喺白皮書黑影籠罩下，每個香港人發少少光，照亮將來。」
參加毅行爭普選的李柱銘接受訪問稱，自北京頒佈白皮書後，今次參加毅行爭普選的意義已非單是爭普選，而是要以行動抗議北京破壞對一國兩制承諾與原則，「呢個係好大件事，（白皮書）加咗中央有全面管治、法官要愛國，呢啲都係鄧小平講嘅一國兩制冇嘅。」
李柱銘：法治自由都冇埋
李柱銘指若北京真的以今天他們改變了定義的一國兩制，取代當年鄧小平承諾的一國兩制，「原本出嚟行只係要北京對普選交貨，但（頒佈白皮書後）𠵱家唔止冇普選，連我哋原本有嘅法治、自由都冇埋。」所以李柱銘呼籲市民參加毅行爭普選及全民公投，「港人一係跪低（向北京）接旨、一係逃走移民、一係唔郁坐以待斃，但我諗冇香港人想係咁，咁就只有行出嚟向北京政府抗議！」
【622公投 我撐普選】 毅行直播
流動版網頁:
http://622popvote.appledaily.com