雖然「閃卡事件」都已經成7年前嘅事，不過呢單咁轟動嘅新聞，又令到大家都多咗好多「朋友」，去親戚家拜年大家都有共同話題，亦令大家關係前所未有咁融洽，所以好多網民都難以忘記EDC當年嘅大恩大德嘅。
而話說早幾日就有名四眼網民喺EDC度留言話：「我已經見過你的小陽具，它只是牙籤般大小。」（新聞連結： http://bit.ly/Uymv15），激到EDC鬼死咁嬲要喺微博對呢名網民發「通緝令」，仲話邊個幫佢起到底就有「special prize」喎......
就係因為EDC呢個火上加油嘅舉動，搞到件事停不了，唔少網民都特登喺佢微博/Instagram度留言話「牙籤」、「細」、「小丁丁」等禁忌嘅字眼，令到EDC忍唔住，要爆啦！
喺前晚11點左右，EDC就喺佢微博度貼咗張女仔相，仲用英文留言話(又係佢一發火時鍾意用晒全大楷去寫)「DAMNNNN THIS BIxCH UGLY LOL.TO THE PIGS TRYNNA FUxK WITH ME !!!! HERE IS UR WARNING ..... I WILL RANDOMLY SELECT FROM U HATERS AND PUT U ON BLAST !!!!! #看不懂去查字典」(這麼醜的妞，我跟那些想惹毛我嘅豬講，我依家警告你哋，我會隨機抽出呢啲恨我嘅人出嚟，炸爆你哋!)
緊接住佢再放多兩個類似嘅post，係一女兩男，分別留言話：「為甚麼女孩子會有鬚子呢？」；「就算你有丁丁(自己意會啦)用，也只有些醜妞會跳上去，看一下鏡子吧好不？」用字極盡侮辱之能事。
之後佢又再去開多個post講嘢，今次就係用中文：「只是想告訴大家，我沒有不開心，反而覺得很有趣很好玩！尊重我，我會尊重你！大家今天看世界盃要安全點！」；去到凌晨1點，佢就貼咗張網民留言嘅相，表揚入面嘅人，而相入面最底嗰個留言：「I will ALWAYS be here for you!」係佢現任女朋友阿Ann。留言6秒，希哥已馬上截圖喇。
唔少網民睇完之後都有留言繼續話佢，排山倒海嘅禁忌字眼一浪接一浪。不過都有網民留言力撐佢話：「冠希哥，我一直覺得你很無辜，XX這種事，一個願打，一個願挨，照片你都刪了，屬於意外被曝光，你付出太多，雪藏自己，那些女藝人哭哭就沒事了，你不行！做男人真苦。我支持你，冠希哥，讓小人笑去吧，做永遠瀟灑的冠希哥吧！」
【622公投 我撐普選】 毅行直播
流動版網頁︰ http://622popvote.appledaily.com