【記者潘婉玲報道】去年4月，屹立中環62載的牛記茶室，遭業主逼遷而被迫結業；今年父親節一家人終可重回店中慶祝，「希望做落嚟等啲仔女接班，等佢哋有個機會，唔做連一個機會都無得畀佢哋！」權哥的父親節願望，簡單卻不容易。
兒子紛辭工幫忙打江山
每年父親節，麥氏一家總會在收舖後吃飯慶祝，惟去年除外，「出咗去食，好唔慣！」與食客闊別一年，62歲的老闆權哥蒼老了，不變的，是那一雙大眼袋。原來，這300多天，老人家並不好過，三子一女也各有工作，餘下他每天空對四面牆。「等咗成年，都無呢個運氣，不如搵份看更做，從此離開飲食業！」幸天無絕人之路，就在權哥上班前三天，終於柴灣覓得此6,500呎舖位。
「我同佢哋講，『你哋做我先租，唔做就算！』」父親的心意，感動了三名兒子，他們毫不猶豫辭去工作，一心幫着老父再打江山；權哥擲下畢生積蓄，再加朋友跟銀行的貸款，共投資120萬，牛記4月終於在柴灣重生，員工由從前的一家幾口，增至廿多人。訪問當天，長子浩源仍有工作在身，只能於晚上回牛記埋數；次子浩亮有酒店大廚不幹，回歸統領廚房，招牌菜太后雞亦是其出品；幼子浩泰則主責早市樓面。
「養兒一百歲，長憂九十九。」，權哥至今仍不言退，更決心捱至七十歲，都是為了兒女。自言「一身兒女債」的權哥，多年來低頭甘作孺子牛，「目標係每個仔女，一人一間舖，我唔可以淨係顧啲仔！」年輕時，曾經打走收保護費的古惑仔，乃中環出名的惡人，子女卻是他的軟肋「希望做落嚟等仔女接班，等佢哋有個機會，唔做連一個機會都無得畀佢哋！」
識睇 一定睇蘋果嘅足動世盃：
http://worldcup2014.appledaily.com/