幾經波折，為今屆世盃而興建的哥連泰斯球場，總算有驚無險如期上演了揭幕戰。親身感受後，球場的睇波觀感絕對一流，但畢竟工程落成倉卒，球場的燈光及小食部等配套仍，有待改善。
射燈驟熄小食部勁貴
毫無疑問，新球場的位置鄰近地鐵站，外觀設計也可媲美歐洲的頂級球場。今日首次入場睇波，亦刻意走到場館不同位置窺探。若以觀賞賽事角度來看，球場任何的睇波位置也相當不俗，未見「死位」。
不過，新場始終剛「落地」仍有不少瑕疵。如開波後不久，球場上有3排射燈突然一黑，一段時間後才重新啟動，幸今仗在黃昏舉行。此外，這個可容納逾6萬人的球場，場內小食部其實不多，價錢更比市面貴約一倍；筆者前後吃了3支甜筒，也盛惠30元雷亞爾（約104港元）。可以理解的是，球場在連日趕工下始趕及世盃開幕，有點甩漏在所難免。
幸主隊巴西首仗除開賽前20分鐘外，表現未有太多甩漏。猶記得當地電視台訪問了巴西大軍的出身，指陣中9成球員年少時都是來自貧民窟，節目還特意找來家人為他們打氣。結果，這班森巴兵不負所託地旗開得勝，料士氣會節節上升。
識睇 一定睇蘋果嘅足動世盃：
http://worldcup2014.appledaily.com/