【6.20-6.22投票】
【本報訊】特區民主發展處於關鍵時刻，公民黨主席余若薇挺身參與「毅行爭普選」。余若薇形容，當前民主被打壓的情況，較2004年人大釋法否決07/08普選更差，所以就算丈夫對她參加七日毅行「非常擔心」，仍默默支持。余亦不敢說能否感動溫和市民6.22投票，只求盡一己毅力與汗水，令市民明白手中一票能為爭普選出一分力。
記者：林俊謙
余若薇自退出立法會，轉任公民黨主席後，已甚少再站在前線參與抗爭運動，今次毅然參與明日起一連七日的「毅行爭普選」，余若薇接受本報訪問時直言，因香港正處於民主發展關鍵時期，自己不能只做旁觀者，「一國兩制、高度自治、港人治港，從來都係靠香港人爭取，唔能夠靠中央會畀你普選、畀你人權自由民主」。
「丈夫擔心 但阻止唔到我」
不過余若薇亦知道，今次毅行並非一般遊行，而是要行足七日，「一定係最辛苦嘅一次，今次會係好大嘅挑戰」，連丈夫胡健維醫生亦非常擔心，未知她能否行足全程，但亦知形勢緊迫，只好默默支持太太決定，「只能話佢（丈夫）非常擔心，但佢知阻止唔到我」。
要令6.22公投成功，必須令溫和泛民支持者、甚至不關心政治的市民出來投票，余若薇不敢說自己可以感動到他們，「我行嘅目的，只係想盡自己一分力，只係做我自己應該做嘅嘢」，但希望溫和民主派支持者及市民明白6.22投票的重要，而公民提名並非偏激要求，只是要求港人可以對特首候選人有真正選擇，「唔係共產黨選擇嘅先可以選」。而且今次全民投票日有很多選擇，除了三個普選特首方案外，亦有一條查詢市民立法會應否否決不符國際標準的問題，答案可選支持、反對或棄權，「其實有好多選擇」。
余若薇希望包括溫和派支持者明白，香港民主自由近年不斷倒退，好像近日北京透過白皮書，粉碎香港的一國兩制，為假普選開路，「以前釋法都叫做有個程序，會諮詢吓基本法委員會，現時根本唔需要，求其出本白皮書就算。下次中央可能求其搵個人講幾句，就當解釋咗」。所以港人必須挺身反抗，否則將來只會對香港民主發展越來越麻木，「就如一個人，由腳趾尾開始麻痹，現時已去到頸，（若果）仲唔做啲嘢，唔去6.22投票、唔去毅行，就快麻痹到眼眉，到時乜都唔可以再做到」，希望港人明白，每個人也有責任爭取民主，「如果你覺得香港係你屋企嘅話，每一個香港人都有責任行出嚟（6.22投票）」。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp