民主黨主席劉慧卿早前向傳媒透露,從商界收到消息,指前特首、現任全國政協副主席董建華向中央說「普選是不對的、並非對香港好事」。有商界人士對季陶說,董反普選之說,早在商界流傳,董對普選有強烈保留,亦非今日之事,更令政界關注的是董近年對香港事務越來越「積極」,港人卻無法知道董向北京提出甚麼意見。
有前董班子中人說,董任內已對普選有保留,「董先生講過,唔係唔搞普選、政改,但係要先搞好經濟,社會穩定先講政治」,而董亦認為普選後仍要由愛國愛港人士做特首、不能讓民主派做特首,「我知董先生下台之後,對民主、普選睇法更加負面、更加唔鍾意泛民、特別係大狀黨」,所以劉慧卿說董向中央進言反普選,該前董班子中人完全不感意外,「佢(董)覺得係為香港好,所以唔覺有問題」。
從不公開表達政見
但有政界中人稱,自習近平上場後,聽聞董對香港事務越來越「積極」,「胡錦濤年代,董主力搞中、美民間交流,但習上場之後,佢同習有交情,成日就香港事務反映意見,認為習會聽佢講」,問題是董從不公開表達政見,「佢講乜冇人知,香港人想反駁都冇機會」。前董班子中人笑言,這正是董「厲害」之處,「董先生成日講鴨子划水,上面睇唔到鴨仔郁,但水下面就係咁划,佢就係鍾意係後面做嘢,但你哋完全唔知、睇唔到」。
季陶
【壹錘定音】星期一至五,早上8點開咪!
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp