白皮書一錘定音，以後唔使撻基本法第幾條第幾條朵。白皮書一直出，直至N皮書。書到用時方恨少。白皮書2014版，家長注意，DSE必考！
繼承竄改六四歷史的一貫黨風，白皮書慣性扭曲史實。港人最痛的沙士一役，在白皮書裏，寫成中央打救香港不遺餘力的光輝歷史。沙士在內地爆發，中山大學學者帶住世紀病毒直接傳入香港，病毒迅即擴散，大陸對病毒先是隱瞞，後來自身難保，醫療遠比香港落後的中國，怎麼打救香港？
成身包冚戴住N95叫市民洗手洗手洗手的，是董1A，唔會記錯！翻沙士舊賬，才不過11年，好多人出咗世啦，高×斌之流，乾脆睜眼說：沙士是靠國內神醫否則香港人死晒！
白皮書口吻，連一個嘍囉都不如，寫手應該跳海！下個月出修訂版，一定要加碼，預言水電以至菜蔬糧油，這些富表妹對港燦的恩賜，隨時話斷就斷！警隊漏夜解散，戒嚴部隊全面接管！香港一日損失唔止16億啊！白皮書保證，中央會再次打救你！
基本法廢嘅，白皮書就是降落在旺角街頭的一坨大便，香港仔，到你唔包容嗎？
識睇 一定睇蘋果嘅足動世盃：
http://worldcup2014.appledaily.com/