【本報訊】領匯（823）上月拆售旗下四個「蚊型」商場，共套現逾12億元，財務總監翟廸強接受訪問時指，出售「細場」行動尚未結束，未來將集中資源在規模較大、位置理想的「目標商場」上，惟進軍中國的計劃暫時仍未有頭緒。
進軍內地未有頭緒
領匯早前出售四個分別位於香港仔、葵興、藍田及筲箕灣的商場，交易將於下月底完成。翟廸強透露，出售中小型商場屬領匯「中期發展策略」的一部份，「細啲嘅物業增長相對慢啲，放唔到咁多時間同心機，會繼續做（放售）」。同時，如物業缺乏協同效應，「長遠嚟講唔需要保留」。
領匯旗下「旗艦級」商場包括樂富廣場、即將開幕的屯門友愛安定商場等，翟廸強指上述物業屬「目標商場」，「規模較大、可成為消費者嘅目的地，一次過買到唔同嘅嘢、位置理想」。他指，未來將集中資源在目標商場上，但不肯透露具體策略或數量多寡。
然而，收購本港私人物業、進軍中國市場等，領匯目前仍然未有頭緒。翟廸強強調，不是因為看淡樓市前景而惜買，「我哋係長線投資者，唔會停止收購」。他解釋，提升現有資產、收購及出售物業，三者各有關連，「過去4年，我哋淨係買咗兩個香港商場，喺內地發展會更謹慎」。
他指，領匯管理層經常與內房龍頭萬科代表會面，「仲學緊嘢，好似稅務、法制、外滙等問題，遠較香港繁複」，如落實發展中國境內商場，雙方將共同管理、共同投資，惟礙於信託基金條例所限，領匯需持有有關物業逾半股權。
短期維持加租8%
至於近月零售市道出現倒退，翟廸強指4、5月商場租戶表現符預期，未見明顯放緩，「商場內高檔消費嘅比例細，絕大部份係餐飲同超市，睇唔到有減慢迹象」；領匯租戶每3年續租一次，過去4年平均續租租金升幅逾20%，「短期可維持每年加租7至8%」。
識睇 一定睇蘋果嘅足動世盃：
http://worldcup2014.appledaily.com/