今日係Happy Friday，睇波梗係唔好俾佢停。今晚凌晨3點有B組嘅西班牙大戰荷蘭，狂牛勇士當然希望可以再次衝擊世盃，大家對於呢支爭取衞冕嘅西班牙又有冇信心呢？
要數靚仔，梗係唔可以漏咗被稱為型英帥靚正嘅王子費蘭度托利斯，各位女球迷平時唔睇波應該都識佢。雖然王子近年受傷患影響發揮，不過行出球場依然神采飛揚。
如果大家睇厭咗王子，不妨睇吓全隊最年輕嘅中場17號佐治高基。佢冇金髮藍眼睛，但有嘅係清爽短髮，樣子端正有班長感覺，充滿陽光男孩氣息，去季帶領馬體會贏得西甲冠軍，且看他首登世盃表現是否同樣出色。
咩叫炒飛機？
早前熱身賽中，王子費托單刀竟然射上9樓咁高，球場上稱為「炒飛機」，意指射門遠高於目標，希望喺世盃唔會再重蹈覆轍。
陳婉婷
太陽飛馬助教
識睇 一定睇蘋果嘅足動世盃：
http://worldcup2014.appledaily.com/