【本報訊】任保安青年因情變圖斬殺疑為第三者男同事，幸其間另外兩名保安員挺身窮追百多米將其制服，未有釀成慘劇。兩名保安昨獲頒好市民獎，被指負責督師指揮應付佔中的行動處處長黃志雄，頒獎後速速離去，未知是否避談佔中；警方發言人就「預告」一哥明日「有嘢講」。
40人獲好市民獎
本年度第一期好市民獎頒獎典禮昨舉行，40名市民得獎。其中任保安員的張立儀和管仕強，無懼利刃制服失控持刀同事。張憶述2012年當日經過更衣室，突看見男同事持利刀追斬另一滿身鮮血男同事，於是窮追百多米，到控制室附近將其制服，「唔驚，我覺得佢唔係想傷害我」，不過行兇者當時不肯交出利刀，張惟有將他壓在牆邊抓緊衣袖不放手。
上前幫忙的管先生指，當時花上10分鐘才能把行兇同事的手指扳開，「挖返把刀出嚟」。後來兇徒供出，原來前一晚已將同為同事的女友殺死，這天是要殺死第三者。最終兇徒罪成，被判終身監禁。兩人感慨「同事都唔開心，坦白講其實唔係好想攞（獎）」。
一年前揭發青年擅駕巴士的林澤權，也同獲頒好市民獎。林自稱「半個巴士迷」，當日凌晨駕車途經美林邨巴士總站，看見兩名青少年將一部巴士駛離車站，頓生疑竇遂報警並尾隨，警員最終在大圍港鐵站將巴士截停。二人因偷車罪被判12個月感化令，其中一人更被吊銷駕照一年。
識睇 一定睇蘋果嘅足動世盃：
http://worldcup2014.appledaily.com/