商台創辦人何佐芝喺上周三離世，終年95歲，何生嘅喪禮噚日喺香港殯儀館低調出殯，為咗避開傳媒嘅追訪，兒子何驥、媳婦及孫女何鳳蓮大約喺朝早九點已經去咗殯儀館。商台高層俞琤、李嘉欣與丈夫許晉亨和她老爺許世勳、何超瓊與姊妹何超鳳、何超蕸和何超儀、施南生、李嘉誠紅顏知己周凱旋等等，都去咗靈堂鞠躬作最後致敬。
低調避傳媒
大約喺11點左右，一眾親友陸續離開，俞琤同施南生坐親友車去哥連臣角，何超瓊坐私人座駕離開。一直避開採訪嘅何驥，聽講喺嘉賓離開嗰陣，坐住一架冇任何裝飾、亦都冇掛住係邊一府人出殯嘅黑色靈車，喺後門離開，成功避開晒啲傳媒，佢嘅太太與女兒何鳳蓮神情悲傷，跟住啲嘉賓坐𨋢去咗大堂，但係唔夠幾秒經工作人員指示入𨋢番靈堂。
撰文：馮仁昭
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp