【亂噏24】大家不用質疑，這不是財經版。今集節目請來兩位文化界紅人、《主場新聞》的蔡東豪和作家徐緣任嘉賓，與黎智英和陳淑莊風花雪月，不談政治。難得兩位電子傳媒巨頭碰頭，少不免互過幾招，東豪坦言當初搞《主場新聞》，就是因為想學肥佬黎做「傳媒大亨」！讀者可在 http://bit.ly/appletalk24 重溫今集《亂噏24》。
撰文：馮國康、Sidekick
服裝：ANTEPRIMA
近日在文化界冒起一顆新星，短時間吸納一班die hard讀者，他就是近日推出新書《型銷》的靚仔作家徐緣，其人氣勁到連蔡東豪也替他擔心，東豪說：「最近我搵過佢一次，因為佢紅得太快，好驚係泡沫。」肥佬黎說：「佢唔會泡沫，有實料唔會泡沫嘅。」不過他之所以短時間成名，全靠去年在《主場新聞》發表過一篇《A&F現象與廣告的Sex Appeal》的文章，由於點擊爆燈，即引起了東豪注意，之後雙方便傾談合作。自此，徐緣成為《主場》代表人物，東豪更頒了一支錦旗給他，稱他為「主場之光」。
常說揸筆搵食艱難，港人又不喜歡閱讀，做作家難維持生計，徐緣卻認為這與普遍出版社不懂得推廣書籍有關。徐緣推出這書時也曾跟出版社角力：「我好堅持話想寫好多序，佢話冇人咁多推薦序喎，個序都成百頁？我話就係冇人咁做，所以先要做囉，唔係邊有話題呀！」
剝削作家慳資源
東豪提到上班一族早上搭地鐵時都會收看《動新聞》，他說：「睇嚟新聞界學術嘅人要研究吓呢樣嘢，睇咗《動新聞》當睇咗新聞。」肥佬黎認為這是時代的轉變：「好似《亂噏24》咁，如果半個鐘或一個鐘，睇嘅人最多廿萬。但如果剪咗佢，分零鐘或兩分鐘，每一個clip都有二、三十萬。以前我哋嗰代睇文章睇新聞，有段時間悶少少唔緊要，𠵱家唔悶得！」肥佬黎認為做《動新聞》要不斷求變：「因為整個手機世界喺度變，嗰個係moving target，以前打得中𠵱家已經打唔中。」
這回輪到肥佬黎問東豪當初為何有《主場新聞》的構思，東豪想了一想便說：「《主場》嘅idea就係，我想好似你咁做傳媒大亨囉！但係又冇錢！我都有一路發夢㗎，所以你啲書我有買㗎！」後來他看到《The Huffington Post》非常成功，便聯同好友梁文道、劉細良和宋漢生等創辦《主場》，他說：「做傳媒大亨冇資格，惟有做網站小小亨！」東豪又笑說要盡量節省開支，譬如要「剝削」一些如徐緣等作家，不給他們稿費，甚至要屈對方請食飯。
新晉作家亂噏發聲 冇女相伴詐晒型
http://bit.ly/talk244901
有個筆名好窩心 作家徐緣現真身
http://bit.ly/talk244902
蔡東豪邂逅徐緣 莫非真係咁隨緣？
http://bit.ly/talk244903
百幾蚊本書平定貴 內容有料最實際！
http://bit.ly/talk244904
騷肌男做生招牌 廣告現象有得解
http://bit.ly/talk244905
唔睇動新聞冇話題 集集幾百萬人睇
http://bit.ly/talk244906
未出書先Enjoy 賣書都要夠Noise
http://bit.ly/talk244907
寫序都有得造假？今次唔係強國文化！
http://bit.ly/talk244908
幕後配音笑死人 年輕人撐起動新聞
http://bit.ly/talk244909
有人鍾意有人恨 葉朗程係咪真有其人？
http://bit.ly/talk244910
八両菜網上最威 阿澤都唔夠FIGHT
http://bit.ly/talk244911
外國概念香港生根 蔡東豪拼出新地盤
http://bit.ly/talk244912
自認靚仔唔會得米 徐緣教你媾女妙計
http://bit.ly/talk244913
大爆林振強秘聞 老細都怕佢3分
http://bit.ly/talk244914
徐緣唔怕抽廣告 大不了劈炮唔撈
http://bit.ly/talk244915
識睇 一定睇蘋果嘅足動世盃：
http://worldcup2014.appledaily.com/