家陣咁多恐同團體興風作浪，而喺呢啲風風雨雨下，《一點粉紅2014》活動會喺本周日舉行。呢個活動得到美銀美林贊助，人哋仲喺Bank of America Tower頂層粉飾成粉紅色，幫活動做足宣傳。
呢個主題為「愛多元．愛多點」嘅活動，係一個免費戶外嘉年華，所有參加者着上粉紅色衫，組成一個巨型粉紅圓點，象徵社會開放、包容，支持同志社群。
呢個活動自09年起喺新加坡舉辦，參加人數超過兩萬人。喺香港就由大愛同盟、粉紅同盟合辦，香港小童群益會協辦，喺金鐘添馬公園舉行。美銀美林噚日開始將Bank of America Tower頂層粉飾成粉紅色，透過電子幕場宣傳呢個活動。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp