亞視個免費電視牌出年11月就到期嘞！為咗續牌，亞視除咗推出咗一系列無限輪迴嘅舊片重溫，希望用舊片嘅親切感博市民好感外，原來仲有好多搶客「奇招」，包括喺馬季唞暑後，喺半夜12點左右推出新節目《子夜特區》。亞視執董葉家寶噚日同傳媒飯敍，瞓身hard sell呢個節目，話新節目好勁㗎，一星期做夠五晚，晚晚仲要唔同主持，話題更加由同性戀到尋歡作樂都有，類似以前《今夜不設防》嗰種喎。
除咗呢個少少鹹多多趣節目，佢仲話之後會有清談節目，由上水鄉委會主席侯志強、前全國政協委員劉夢熊同人民力量陳志全等輪流主持，預告陳志全會同鼠王芬清談，議題相信離唔開同性戀啦。葉家寶噚日仲搵埋主持《香江怒看》嘅金勞詹一齊會傳媒，拎住酒杯同傳媒分享獨特政見。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp