上任約兩個月嘅香港大學校長馬斐森，據知喺呢段時間好努力咁熟習港大環境，仲不時約見師生了解情況。
馬斐森噚日仲出席喺港大舉行嘅第十屆當代社會喪親與哀傷國際會議，同勞工及福利局局長張建宗同台亮相。八方見佢笑容好燦爛，相信港大嘅新生活都好愉快，可惜佢會後冇經記者區，八方唔可以問多佢兩句。
講返呢個每三年一屆嘅會議，今次係首度喺亞洲舉行，有成過千名嚟自世界各地同生死教育研究有關嘅學者、專家同醫護人員出席。
原來港大社會科學學院研究顯示，2007年香港成年人逃避死亡嘅平均分數係4.23，今年呢個平均分數降至2.2，反映港人面對死亡態度開放咗。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp