【本報訊】中央發表白皮書，被指圖將特區原有的高度自治變成中央全面管治。陳方安生說在任政務司司長期間一直捍衞高度自治及一國兩制，國務院文件反映中央對港政策越來越收緊，意在給港人一個「最後嘅警告」，「即係話畀香港人聽：好自為之」，尤其落實真普選事宜由中央主宰。她指特首梁振英有責任守住兩制底線不被破壞。
「削弱我哋嘅核心價值」
陳方安生接受訪問時強調，《基本法》賦予香港高度自治和港人治港，「個界限係非常之清晰」；中央忽然表態收緊管治，或與少數人揮動龍獅旗有關，陳太說：「香港人從來冇要求同中央分權，更加唔使話奪權，我哋只不過想中央貫徹落實一國兩制」。
陳太指，最能確保香港長遠繁榮穩定、亦對中國最有利的做法是「雙方面都尊重一國兩制」，但近年中央卻不斷削弱一國兩制，「削弱緊我哋嘅核心價值、影響緊我哋嘅生活方式」，擔憂最後連公正獨立的法治制度亦不能確保。
陳方安生慨嘆，中聯辦在香港的干預之手，近年越伸越長：「最不幸係我哋嘅行政長官，似乎唔覺得佢嘅職責係捍衞兩制，去防止唔應該發生嘅干預。」
陳太指出，日後若果有重大政策要交代，「（特首）應該清清楚楚咁解釋、向傳媒交代，畀傳媒有機會提問，唔係好似今日常見嘅做法：經過個咪，鍾意講就講，唔鍾意就置之不理」。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp