子女駁嘴，父母最痛？
想像一下最痛：阿女對622投票支持公民提名真普選沒興趣，駁嘴說：「蛇齋餅糭唔會俾廉記查，做順民唔使動腦，一於坐享其成，咪厚多士。」
阿媽：「投票是為了你們下一代。」
阿女：「我們這一代，俾強國同胞食硬，一錘定音，港燦爭都冇謂。」
阿爸：「我一直教你們，做人要有承擔，點解你咁hea。係咪被學校洗晒腦。」
阿仔：「係你迫我讀名校嘅！總之政府保證我們將來搵到食，買到樓，機照打，波照賭，年年有錢派，港島盡快新界化，男丁有得分，個個中產都會收聲。」
阿爸：「邊有咁順攤！真係咁，香港不再是香港，普選永遠冇希望，我們個孫點算？」
阿女阿仔：「生仔？咪搞！雙非家長搶小一學位時說，是特意過來生仔，支援我們特區！這些生產機動部隊遲早有投票權，香港人變成少數。阿爸阿媽，勸你們即刻放手，假使佔中被拉返差館，講明先，我唔得閒保釋你㗎！」
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp