台灣名模林志玲做代言人嘅內衣新股都市麗人（2298）噚日中午喺金鐘某酒店舉行投資者推介，現場約200名芬佬、賓架大部份都想見林志玲一面。點知呢位女神來去匆匆，只逗留約5分鐘，跟管理層影完合照就鬆人。
都市麗人嘅投資者推介噚日11點45分開始招呼嘉賓入內，現場有四位模特兒展示產品，大約12點半，着住超低胸連身金色短裙嘅林志玲現身，大晒事業線與長腿，佢好識做咁即刻跟管理層合照。
呢個時候，有20、30名原本入咗宴會廳嘅芬佬、賓架，不論男女都走番出嚟舉起手機狂影女神，相當雀躍，但公司董事長鄭耀南就好似尷尷尬尬，唔知行唔行近女神咁款。影相5分鐘，女神冇耐就話趕搭飛機走人了。好在公司安排兩男八女模特兒喺投資者推介開波時行5分鐘內衣花生騷，令人大飽眼福。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp