世界盃今晚將於一觸即發，大家記住「較鬧鐘」起身睇波喇！相信全世界嘅目光都會集中於巴西身上，各位女球迷經過幾日熱身，相信都對世盃有番一定認識，今日等我為大家介紹吓幾個巴西球星，仲教大家一個專業術語，咁睇波就唔怕冇嘢講啦！
22歲仔就首次登上世界盃舞台嘅尼馬，當然係焦點人物，此子於上年洲際國家盃勇奪金球獎已經鋒芒盡露，巴西人由3歲至80歲都識得佢！中場線另一位首次踢世盃嘅11號仔奧斯卡杜斯山度士亦同樣搶眼，而且眼神夠晒迷人。森巴兵團仲有高大威猛嘅中堅大衛雷斯，爆炸頭造型令敵人射波都特別難對焦；至於貌似卡通人物史力加嘅7號前鋒侯克（圖）身型健碩兼有對極粗大腿，衝力射球真係不得了。
咩叫濕毛巾？
另外，球場會形容一啲鍾意盤扭上腳嘅球員做「濕毛巾」，意指扭來扭去。森巴兵團嘅踢法向來以個人突破最煞食，揭幕戰應該會見到好多條濕毛巾！
文:陳婉婷
太陽飛馬助教
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp