陳樞機、李柱銘以及佔中發起人之一嘅朱耀明等三位「長者」，星期六起開始日日毅行爭普選；但佢哋同埋另外10個毅行者，喺朝8晚8毅行，夜晚仲有少少休息時間，翌日可以精神奕奕咁起步。
原來除咗公佈咗嘅日間毅行計劃，仲有班人醞釀緊通宵毅行。到底邊個會夜晚出動呢？據聞佔中發起人之一陳健民以及民主黨高達，都係鐵膽；一班港視壯士同支持者及陳健民約20人，14號晚通宵毅行，沿途會派傳單，仲會殺入消夜店宣傳。到底點解要有通宵毅行？有佔中人士話，想方便一啲日頭要返工、但又想身體力行支持吓嘅人士，而且亦想呢個喺星期六開始嘅毅行，真係無休止、無間斷咁延續，顯示爭真普選決心。八方問過高達，佢話已預備好通宵毅行。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp