【本報訊】「試問誰還未發聲……」譚偉強（Wilson）唱起來字正腔圓，只有四分一中國血統的他，於香港土生土長，念的是公立學校，自小已關心香港前途。Wilson希望有一日香港真正和諧，社會氣氛不再「negative」（負面）。
由歌劇名曲《Do You Hear The People Sing》改編而成的《問誰未發聲》，父親是美國人的Wilson，試唱時不禁問：「呢首歌我第一次聽係歌劇版，點唱？」唱歌看似簡單，卻不容易，猶如爭取普選。42歲的Wilson，25年前已上街支持六四學運，他形容當時心中滿是疑問：「點解會發生喺咁近嘅地方？就嚟回歸點算？」
成長受盡歧視仍深愛香港
愛看金庸小說的Wilson以《書劍恩仇錄》為例，指滿人、漢人誰做皇帝並不重要，最重要國泰民安，但如今的香港，「一男子」意見蓋過民意，社會民怨沸騰，「點解所有嘢都有你講冇人講？點解搞到人心惶惶？」。Wilson認為香港現今的政治與經濟氛圍不明朗，想組織家庭培育下一代，實乃奢想，形容「係個社會令到我哋negative！」
成長時因膚色受盡歧視，被叫「阿差」，又問「點解你咁黑？頭髮咁鬈㗎？」但Wilson依然深愛香港這個家，盼發聲改變現狀，「我咁樣去到第二度只係三等公民，唔想再去被歧視……我係香港人！」
改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到逾780段短片投稿「今日我發SING！」，活動的細節可以瀏覽《蘋果》facebook專頁（ http://fb.com/hk.nextmedia）。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp