台灣歌手蕭亞軒同22歲、《那些年，我們一起追的女孩》嘅男主角柯震東發展姊弟戀，早前就曾經因為有官三代嘅程穎婕介入而令兩人一度分手，不過就極速復合。但係一向女人緣極好嘅柯震東，最近又有女仔埋身，搞到蕭柯已經冷戰咗一個月。
有傳媒上個月8號影到柯震東同一班朋友去完夜店蒲，之後佢搭住一名長髮女子過馬路去食麵，食完麵等車嘅時間呢位長髮妹主動摟住柯震東條腰，最後仲成個頭挨埋喺佢心口，非常親密。據知呢位長髮女名叫張維真（Tracy），正就讀輔仁大學嘅財經法律系，同時又參加過台灣電視節目《大學生了沒》。
唱K傳情
其實早喺今年4月，柯震東同Tracy已經一齊出現過喺錢櫃卡拉OK，離開嘅時候柯震東同樣搭住Tracy膊頭。相信就係一次又一次嘅緋聞同親密照片，令到蕭亞軒冇安全感而要時間冷靜呢段情。
事件曝光之後柯震東噚日朝早喺Facebook同Tracy道歉，但即刻刪除，經理人強調Tracy係柯震東朋友嘅女友。蕭亞軒就正喺香港為新碟試新裝，睇咗柯張相之後，「喔」咗一聲，據知佢仲未收到柯震東的短訊或者來電。
撰文：馮仁昭
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp