亞洲出版業協會（SOPA）噚晚舉行頒獎禮，今年香港《蘋果》勇奪四獎。八方同事林偉聰、韓耀庭、袁柏恩深入調查，踢爆發展局局長陳茂波喺新界東北囤地但冇申報，佢個政治助理何建宗隱瞞家族喺東北有利益，結果何引咎辭職，同事憑呢輯系列調查報道，囊括獨家新聞大獎及卓越調查報道優異獎。
動物權益喺內地唔受重視，突發組同事去年深入山東濟寧市採訪，直擊狐、貂、兔被活生生剝皮取毛嘅慘況，憑呢輯報道獲卓越環境報道優異獎。去年馬來西亞大選，人民聯盟選前民調領先執政國陣，點知又係國陣大勝，觸發大馬人上街質疑選舉舞弊。《蘋果》記者盧燕儀赴當地專訪安華，報道執政國陣多年來打壓異見聲音嘅極權手段，憑呢輯系列報道獲卓越人權報道優異獎。台灣《蘋果》憑頭版漫畫《馬「假和解 仍要戰」 不再抗告 追打關說》奪卓越漫畫大獎。八方恭喜各位同事，希望大家繼續捍衞新聞自由。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp