人稱「宅男教父」、44歲的項明生（James），曾在Sony叱咤一時，02年創辦亞洲遊戲展；但在他心目中，職位再高也不如行萬里路，於是拋下董事高職，投身旅遊作家行列。他說寫書比辦遊戲展滿足感大廿倍，更樂於分享巴西旅行點滴。
記者：徐嘉華
眼前的James身穿T恤、牛仔褲，以往幫PlayStation「打生打死」的生意人氣質消失了，他說：「以前搞遊戲展，好多事我控制唔到，展覽中並非全部係我嘅產品，我冇法控制。但寫書唔同，一支幾蚊嘅筆，我鍾意寫146頁又得，寫1,400頁又得；喺旅遊書入面，我鍾意放咩相、寫咩題材，完全由我決定。」
瀑布雨林耶穌像「大」晒
寫了5年旅遊書的James，手上這本《十天敢動假期：巴西》在去年出版。一談到巴西，他第一時間反應是「大」，「巴西畀我最深刻嘅印象，就係一個字：『大』！佢有全世界最大嘅瀑布、最大嘅雨林、最大嘅耶穌像。雖然我唔係足球迷，但巴西既係新興旅遊熱點，又係南美洲最大國家；加上今年舉辦世界盃，然後到2016年里約熱內盧奧運，全世界都注視。2012年初我編好行程，跟阿叻一齊去；我出書對象係冇太多假期嘅香港上班族，10日遊巴西就足夠。」
鍾愛旅遊的James，除現在仍是單身漢，無牽掛外，最重要是兒時心結，16歲跟家人從中國大陸移居香港的他說：「以前喺大陸冇護照，出唔到國，家人於是買好多書畀我。我睇雨果嘅《孤星淚》，就好想去法國馬賽；睇川端康成嘅《伊豆舞孃》，就想去日本伊豆半島；想去南美洲，同埋我遊記式嘅寫法，就係受台灣作家三毛嘅著作《萬水千山走遍》影響。」
見Leica相機即搶
自大學一年級起，James至今已到過90多個地方旅遊，近兩、三年更每年到訪一次南美洲。但他說巴西貧富懸殊及警力不足，令當地治安麻麻，所以提醒大家到巴西要穿得低調、用得低調，「12年去巴西時，認識當地留學生，佢哋都係着黑衫黑褲，最好用舊款電話、平價儍瓜機。有個台灣人去巴西旅遊，將一部Leica相機掛喺胸前，結果當街被搶；巴西人每月人工得一千幾百港元，見到Leica機實搶。」
去年底辭去Sony高職、現為GameOne網絡遊戲公司顧問的James坦言，已視旅遊作家為終身職業。會考中文奪A的他，著作《異色．北韓》在上月獲教協頒發「十大好書」，他更期望有天可憑自己的旅遊寫作，奪得諾貝爾文學獎。
如想免費遊巴西，只要參加信和旗下商場消費大抽獎，幸運兒就可與James同遊巴西！
James 4大推介
耶穌像：
■世界7大奇蹟之一，連同基座高達38米，位處山上，遊客感覺像騰雲駕霧。
伊瓜蘇瀑布：
■世界最大瀑布群，那裏霧氣大，遇陽光就出現彩虹，每天可看到5、60條彩虹。
沙灘：
■巴西女郎毫不吝嗇身材；她們穿的比堅尼，又稱『牙線衫』，因為只有牙線般幼。
亞馬遜雨林：
■又是全世界最大，有很多兇猛食人䱽，但煲湯一流，被當地土人奉為『偉哥』。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp