美國小股東真係乜嘢都可以告一餐。facebook（fb）一名小股東Ernesto Espinoza入稟，控告主席朱克伯格同董事會其他成員，話佢哋畀公司董事嘅薪酬過高，浪費資源。呢位小股東話，fb舊年非僱員董事平均袋46.1萬美元，較同業高43%；又話根據2012年嘅薪酬計劃，董事可選擇每年收取價值逾1.5億美元嘅股份，不合情理。
其實fb上市以來，負面新聞多籮籮，例如上市後股價潛水成年，廣告收入又唔理想，又話年輕用戶減少等等；但董事仍然袋咁多，小股東嬲都好正常。不過財經網站CNBC就話，其實Google嘅董事都係袋差唔多金額嘅薪酬；fb發言人就話指控冇根據，會積極抗辯。阿里巴巴搞緊去美國上市，創辦人馬雲見到呢單新聞，唔知會否做多啲準備呢？
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp