大家對Magista呢對波砵有冇印象呢？佢係Nike今年最新推出嘅釘鞋，我之前就喺英國試過，仲係全球首批着到呢對砵嘅人㖭。（哈哈，當然除咗球星啦！）Magista系列採用咗flyknit技術，令到對砵更輕、更貼腳，加上佢同以前出嗰啲砵喺外形上完全唔同，加咗個特別設計嘅鞋領位，幫你鎖實腳腕，將拗柴機會減到最低，聽講恩尼斯達都會着住呢對戰砵喺世盃嘅大戰場上拼命，到時記住睇真啲呀！
另外，噚日子樑就喺專欄提過佢因為畢業，世盃期間可以盡情睇波，對於我呢啲仲要返學嘅年輕人嚟講當然係「葡萄」啦！不過呢個四年一度嘅盛事，又點可以錯過呢？所以到時我都會揀啲比較矚目嘅賽事嚟睇，葡葡牙就梗係走唔甩啦。
根據我過往嘅經驗，其實都仲有個小攻略可以提供，就係早啲食完個晚飯就去瞓，校定鬧鐘起身睇波然後直落返學，咁樣第2日無咁攰之餘，亦包無遲到，順便早少少返學校同啲波友嚟個賽後檢討㖭。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp