對於嚟自大陸嘅「國保」，港人一定唔歡迎；但班國寶若然係嚟自外國，港人點會唔like爆？1,600隻由廢紙製成嘅熊貓大軍，噚日喺策劃呢次展覽嘅AllRightsReserved帶領下，浩浩蕩蕩遊香港。佢哋一朝早「快閃」殺入大嶼山寶蓮禪寺拜大佛，之後轉戰馬灣，去到沙灘排排坐曬太陽。其中一隻細型熊貓，仲坐「熊貓車」登場，超霸氣。
高禮澤變粉絲
熊貓大軍忽然殺到，唔少馬灣居民都去沙灘湊熱鬧，仲攞出相機、手機係咁影，前乒乓孖寶之一嘅高禮澤都係粉絲，在場係咁玩自拍。其間附近一間幼稚園咁啱放學，成班小朋友特登去到沙灘探大熊貓。幼稚園BB VS大熊貓，唔知邊個得意啲？
呢1,600隻大熊貓仲可以幫大家做善事，市民可以喺25號透過網上申請成為佢哋領養人，費用係200蚊至450元。善款會捐畀世界自然基金會（WWF）香港分會作保育用途。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp