【本報訊】高空擲物頻生的旺角西洋菜南街，在2008至2009年曾經發生三宗共造成百人受傷的鏹水彈案，至今警方仍然懸紅90萬緝兇。
昨凌晨「飛凳殺人」再掀恐慌，距現場僅20米的鞋舖職員石小姐，事後目睹兇凳和一灘鮮血，驚呼：「成晚都瞓唔到！上個月嗰幢樓都有個奶樽掟落嚟！」她表示以後會減少出舖。
市民及遊客亦擔心不已，在酒店返夜更的譚先生經常行經上址，他稱：「戴頭盔囉，張凳飛落嚟都唔會接到，惟有行埋啲！」楊小姐亦表示旺角高空擲物情況嚴重，以後一定會沿簷篷底行；附近報販及清潔工人亦稱十分擔心，日後會加倍留神。
遊客稱會減少到旺角
由廣州來港自由行的張小姐昨晨抵埗便到旺角遊覽，驚悉發生飛凳殺人事件，頻呼：「好唔安全，都幾危險！」並指會減少到旺角等人多擠迫的地方。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp