【本報訊】再有超巿被揭發綁綑式銷售貴過單買。華潤萬家近日以「三包超值裝」出售健達繽紛樂朱古力（Kinder繽紛樂），被發現較單買三包貴6%，其他貨品亦有類似情況，有市民不滿超市假優惠，質疑是否違反《商品說明條例》。
有巿民近日在青衣翠怡花園華潤萬家超級市場，發現三包綑綁裝Kinder繽紛樂，以「超值裝」為名標價$23出售，但單買一包僅售$7.2，即市民分開散買三包，合共$21.6，比「超值裝」平$1.4。荔景及美孚分店亦有相同情況。
本報向青衣分店女職員查詢，對方稱只按條碼紀錄收錢：「條碼唔一樣咪唔同價錢，呢個係公司決定，我哋跟住做，可能唔想賣咁多啩。」
涉違《商品說明條例》
除了Kinder繽紛樂，家樂氏香甜粟米片亦有「細包裝買雙比大包裝平」的情況，翠怡華潤小包250克裝標售$16.9，而420克標示為$42.4，但過收銀機結賬則為$36.9，如購買兩包250克裝僅為$33.8，份量累計有500克，比大包裝420克多，但價錢卻平近一成。
巿民李小姐稱華潤銷售手法有誤導之嫌，因為消費者一般認為三包裝較平，「有時見到三包裝，都會拎咗先，以為係抵啲，唔會比較價錢」。她日後加倍留意，格價後才購貨。
執業大律師陸偉雄指若假優惠出現於多間分店，而公司藉此作為招徠，讓消費誤以為買多平過買少，便可能違反《商品說明條例》。華潤萬家發言人回應，涉事貨品價格根據供應商建議零售價釐訂，當中Kinder繽紛樂單件裝上月30日進行減價，造成單件裝與三件裝價格偏差，而不同門巿出現不同價錢，相信是個別分店未能及時更新所致，會加緊留意及跟進。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp