近期最有話題性嘅新股非內地內衣品牌「都市麗人」莫屬，事關台灣名模林志玲2012年開始成為呢間公司嘅代言人，公司今午舉行投資者推介會，林志玲亦會出席。董事長鄭耀南噚日透露，今年初跟林志玲續約兩年，合約至明年底，代言人費確實幾多銀呢？例牌唔講，不過就唔使千萬元喎。
都市麗人除搵林志玲，舊年底開始亦搵來黃曉明為男裝內衣褲生意做代言人，鄭耀南話，黃曉明嘅代言人同樣唔使千萬元。既然花咁多錢搵人做宣傳，公司都諗住大力拓展呢瓣生意，諗緊開男裝內衣褲專門店。
講番今午喺金鐘某酒店舉行嘅投推，公司大約預咗200個位，講明有被邀請先准入內，林志玲亦唔會行貓步，只會現身被大家影相。佢早前喺內地出席活動有教大家護胸，話沖涼後替胸部做凍水spa有緊實效果，唔知今日會否又畀建議呢？
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp