新世界發展（017）創辦人鄭裕彤嘅外孫女婿曾安業，𠵱家係家族公司周大福企業行政總裁，平日甚少露面，噚日罕有為公司旗下遊艇活動亮相。驟眼睇，佢幾似彤叔其中一個孫，講緊嘅係鄭志剛（Adrian）細佬鄭志明（Brian）。
曾安業跟Brian亦有一個共通點，就係相當含蓄、低調。雖然噚日佢以主人家身份現身，但係冇上台發言，只係等到祝酒儀式先至上台，跟其他嘉賓舉杯。傳媒之後追問佢有關坐遊艇嘅心得、公司遊艇業務表現等等問題，佢都一一拒絕回答，話怕自己答錯喎。
曾安業年約43歲，2003年至2012年喺德意志銀行香港分行任職，離職前係董事總經理兼亞洲固定收益資本市場主管。除周大福企業職務，佢2012年底亦加入彤叔有份嘅綜合環保集團（923，前稱福和）做非執行董事。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp