【本報訊】每屆世界盃的「例牌」暢銷產品，自然非球衣莫屬。主要為Adidas生產球衣、另外亦在港經營三間球衣專賣店的本港廠商永嘉集團，其財務總監王志強表示，旗下工廠自去年下半年起定單已急增，公司最近亦趕及在開賽前在中環蘭桂坊開舖，冀可以吸納附近的睇波客。
女裝波衫銷情不俗
「今年較好賣的主要係南美國家的波衫，如主辦國巴西」。王志強預料，到世界盃正式開賽，才是銷售的高𥧌期，料生意較平日會有約30%增長。品牌亦有可能會再「加定單」生產球衣，因為如果某國家隊勝出的話，按照慣例，該國可在球衣上加添一粒星，故有球迷喜歡在世界盃完結後再買衫，球衣仍會熱銷一段時間。
其足球運動用品店Futbol trend的中環分店負責人稱，該店今屆世界盃最暢銷球衣是日本隊，其次是德國，排第三才到巴西。「近兩年日本隊嘅球員多咗知名度，例如曼聯球員香川真司，好賣到佔我哋世界盃球衫五成生意」。而女裝波衫銷情亦不俗，店內出售德國、西班牙、巴西和阿根廷球衫，前兩者經已售罄。負責人表示：「近年睇波嘅女仔多咗，亦有啲同男朋友孖住一齊買。德國波衫之前都不停有人打嚟問有冇貨。」
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp