【本報訊】50歲的Peter，回首過去因賭波輸掉近100萬元，無論是賭外圍抑或馬會，結果都是輸多贏少，最終傾家蕩產。他想過自殺，幸生死關頭及時求助。縱然還債路漫漫，他深信「一日未死，都要堅持（戒賭）落去」，更以過來人身份，奉勸其他賭徒：「唔好去賭，我搞到破產，捱得好辛苦先企番起身！」
欠債累積近百萬
從事印刷業的他表示︰「以前唔識賭波，同事賭外圍，為咗埋堆就參與，有一次買咗一條3串4，100蚊一注，中咗3,000幾蚊，覺得好易中，自此開始沉迷。」
8年前德國世界盃，他賭得最瘋，關鍵賽事每場波買1萬元，碌爆信用卡共20萬元，「嗰次輸到我個人失晒方寸」。他買中意大利贏得該屆冠軍，獲利4萬元但沒拿去還卡數，世界盃結束，但賭波未完，結果輸得一乾二淨！
當時他月入近兩萬元，每月只還最低還款額，07年開始欠債累積近100萬，每月要還逾萬元卡數，紙包不住火，終要向家人求助。然而，因他有欠賭債前科，家人拒絕再替他還債，促他向機構求助戒賭及申請破產。
戒賭期間，他盡量分散注意力，「逢禮拜三跑馬，我就走去跑步；周日有時間走去做義工」。兩年前，他終於成功戒掉賭博惡習，疏遠好賭損友，並力勸同事︰「賭波唔好賭咁大，啲球星身價咁高，都係你哋𠵱啲人投資落去先有咁多錢。」
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp