美聯物業（1200）港島區營業董事吳家棟噚日現身，為三年前爆粗鬧下屬道歉。佢喺美聯住宅部行政總裁布少明陪同下，讀出道歉聲明，指自己三年前做咗件錯事，鬧下屬嘅片段曝光後，佢收到電話騷擾，當中涉及粗言穢語，佢精神受到壓力，但接受呢種懲罰，希望大家畀個機會佢繼續努力工作咁話；其間佢企起身微微鞠躬。吳家棟成個道歉過程唔夠10分鐘，完事佢就起身先走。
吳家棟喺內部會議爆粗鬧下屬呢條片上周喺網絡瘋傳，內容實在不堪入耳。布少明噚日留多10分鐘解畫，指管理層爆粗鬧同事係嚴重嘅事，佢唔容許同類事件再發生，又話美聯近年嘅管理文化已經有所改善。不過，當有傳媒指，個別經紀透露，粗口管理文化仍然存在，布少明就冇正面回應。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp