【做緊功課】
持有海港城及時代廣場的九倉（004），其主席吳光正表示，是否削減自由行，要經過社會充分討論，政府在平衡各方需要後所得的決定，無論結果如何，他都會支持。他又指九倉早有準備如何面對政策市，指市場不會「永遠唔變」，故會「向前看」。
商店組合較全面
吳光正稱，早在提出削減自由行之前，集團已經「做緊功課」，積極拓展新客源：「我哋已經喺俄羅斯、韓國等市場，加強推廣，希望分散我哋嘅收入來源，近月已見到進展。」吳光正又指，無論是否削減自由行，都會以「平常心」面對。
至於旗下海港城3、4月份零售銷售增長放緩，吳光正指3至6月香港零售轉弱是事實，但旗下商場表現持續跑贏整體香港零售增長：「我們係有機會surprise on the upside（較市場有驚喜），我們商場的商店組合較為全面，市場仲有好多機會，我唔悲觀。」
吳光正形容，世界其他市場都是出「甜招」穩定樓市，只有在中、港及新加坡是出「辣招」，偏偏集團就是在這三個地方經營地產：「有些項目已經睇唔到個business model，margin根本唔夠。所以我哋𠵱家投項目會好揀擇，要考慮把資金用在其他用途、如拿去減債，係咪會更好。」他坦言，集團未來投地態度會趨向保守，內地樓市要待明朗化，可能需時兩至三年。
九倉副主席兼常務董事吳天海就表示，集團會維持全年內地售樓230億元（人民幣．下同）的目標，今年首五個月已實現銷售70億至80億元，符預期。至於年內在內地會否繼續減價賣樓，吳天海強調會跟隨市價推盤，難一概而論。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp