自由行少咗，對香港人來講，有辣有唔辣。本地零售商當然喊咁口，不過對香港一般消費者來講，應該係幾暢快嘅事。
周末期間走出尖沙嘴，見某化妝品店幾鬆動，順手入去買少少嘢，於是奇妙的事情發生了！店內職員竟然以純正廣東話，配以親切的笑容細心解答菲菲的問題，兼花時間落力推銷。
要知道過去呢類化妝品店，sales們被一班自由行圍攻下，根本冇時間浪費於「問長問短但只買少少嘢」嘅本地客身上。今次經歷，可以話係幾年來第一次於呢間化妝品店，感受到佢哋對本地客嘅重視。由此反映，本地零售股條數真係差咗好多。
本欄上月初先講香港要打破旅遊業單一局面，查實專做旅客生意嘅零售股更加要。最近發現卓悅（653）於唔少分店，都特別開幾排貨架，以「一生良品」品牌大賣零食，價錢都算幾抵。
實情卓悅賣零食仲早過阿信屋，只不過由於唔想喧賓奪主，所以以往唔會大搞。
正正因為卓悅本身有零食業務底，於自由行散水期，轉身都轉得快過人，而家食世界盃高峯期大搞零食，似乎想由「純女人股」轉身向阿信屋挑機，成唔成功就唔知，不過照計零食呢part點都幫補到條大數。
Fifi
http://www.facebook.com/lovefrystock
本欄逢周二、四刊出
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp