講到最有型，當然要留意出名盛產型男嘅意大利，個個都有迷人嘅眼神、親切嘅笑容，再加上舉止斯文有禮，外表簡直是球員中嘅紳士典範。
先講成熟穩重型嘅中場指揮官派路（圖）及門將保方，兩人分別已年屆35及36歲，但風采依然。派路派路，派波分路，擅於中場策劃攻擊、製造助攻；保方保方，保住後方，有佢做門神大聲提場，意軍嘅後衞都大無畏。家有一老如有一寶，意大利仲要有兩個型寶！
另外，兩位21歲新星都值得大家注意，司職後衞的迪施基利奧身高1.83米，在18歲時已提拔到AC米蘭一隊，高大英俊小白臉，吸引唔少年輕球迷。而被譽為新派路的中場球員馬高華拉堤，組織能力不俗，眼神有火有鬥志，絕對相信佢會係世界盃放光芒。意大利除咗多型男，其實大賽獎項都唔少，2006年贏世界盃軍冠軍，兩年前歐國盃又贏得亞軍，上年洲際盃都攞季軍，所以呢支球隊一定值得各位球迷睇多啲！
文：陳婉婷
太陽飛馬助教
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp