人生總有些時候，特別迷信，特別不介意迷信，特別堂而皇之地迷信。世盃大迷信一貫被演繹為「傳統智慧」，甚麼比利烏鴉口、零衞冕、洲際國家盃得主（2013年得主是巴西）一定失落緊接着的（即2014）世界盃、英格蘭十二碼必輸、阿根廷穿深藍作客球衣一定無運行，乃至於冠軍隊隊長必定是29歲等等……要多離譜就有多離譜。
最近，網絡流傳着更詭異的推算──1966年，英國足總盃賽果是3比2反勝，歐聯西甲意甲的冠軍分別是皇馬、馬體會和祖雲達斯；而當年的世盃冠軍就是英格蘭。掐指一算，既然前列的賽果與2014的一模一樣，咁講法，今年在巴西捧盃的，豈不就是港人Honey英格蘭？
此說一出，連著名科學家霍金亦「厚多士」，發表英格蘭「致勝公式」──賽事時溫度每上升攝氏5度，贏面便減少59%；如果在當地時間下午3時後開賽，英軍勝出機會又會增加1/3。如果英軍穿紅衣作戰，勝出又會激增1/5云云。
老實說，我不知道霍老睇唔睇波，只是感到科學家驟然變身「章魚哥」，形同龍門灑水作法的非洲土人巫師，和昔年以「星座排陣」名震全球的法國國家隊領隊杜明尼治。
或者咁講，波係圓嘅，每每波譎雲詭、估你唔到，越是難以把握和預測的越引人誤入「奇途」。君不見世盃始終是瑞士也可爆大冷贏西班牙、法國意大利同時小組出局的「英雄塚」。睇人腳睇陣式之餘，好難唔大迷信。信焉？
文：梁偉詩
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp