啱啱過咗嘅周末同周日，大家有乜好去處呢？同樣身為立法會議員嘅田氏兄弟，就各自各精采。平時官仔骨骨嘅大少田北俊，星期日去咗海灘攤唞時，咁啱遇上一堆牛牛喺沙灘散步，田大少不忘幽默一番，喺啲牛前面扮彈琴，仲將相片貼咗上facebook，話「成日喺立法會對得啲政府官多，今日喺沙灘對住啲牛，都忍唔住要彈吓琴！哈哈。」箇中含意，不言而喻啦！
至於佢細佬田北辰，雖則啱啱過咗嘅周日，先係佢同太太嘅結婚40周年紀念正日，但二少卻提早一日、喺星期六已經搞party，廣邀朋友同佢一齊分享喜悅。席間佢除咗同太太糖黐豆咁跳舞，仲大開金口唱歌，冧到唔少台下嘉賓。同二少喺立法會拍住上嘅新民黨主席葉劉淑儀，嗰日都有到場恭賀一番㗎。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp