大家好，我陳子樑好開心能夠參與《世盃Diary》呢個專欄，以一個鍾意足球嘅細路仔去講今年嘅世界盃。
講吓我嘅足球史先，我6歲踢波，開始時係hea踢，但越鬥得波多就越上癮，試過同啲friend由朝早10點踢到嗰天黑晒，球場簡直係我第二個屋企。到咗12歲開始踢區隊，接觸到更Pro嘅訓練，最大嘅轉捩點喺15歲時出現，當時我踢深水埗，原本諗住玩玩吓，但李志堅教練認為我有潛質，所以推薦我去香港青年軍，就係咁入埋隊，為港隊比賽。
我同家樂一樣，最難忘參加NIKE Chance去咗上海踢大中華區選拔賽，雖然我最終去唔到英國，但喺咁大型嘅賽事落場已經非常滿足。𠵱家我係橫濱FC（香港）U18嘅成員，喺呢度好開心，因為球隊係有料嘅，U18青年足總盃入到決賽，都攞到半隻盃嘛。
今屆世界盃就撞正我中學畢業，雖然唔捨得同啲戰友各散東西，但可以盡情睇波，對我呢啲足球大個天嘅人嚟講，堅係興奮，好想世界盃而家就揭幕呀！噚日家樂講過佢捧葡萄牙，至於我呢？賣個關子先，下次再講！
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp