港大民意研究計劃接受和平佔中行動委託舉辦全民投票以來，建制派及左報針對民研中心與中心總監鍾庭耀的攻擊從未間斷，鍾庭耀被左報長期跟蹤，更被指用類似特工的反跟蹤方法「瘋狂飆車」。鍾庭耀對相關指控一笑置之，相信針對性的報道包含「政治任務」。
「93、94年民研計劃開始唔係好耐，第一次點晒名對鍾某嘅批評，係《文匯報》、《大公報》，當時壓力都好大㗎，我做錯咗乜事呢？點解會受到咁樣攻擊？」從事民研工作20年的鍾庭耀，面對的政治打壓從不間斷；2000年時任特首董建華更加向民研計劃施壓，要求停止有關特首及政府民望的調查，鍾庭耀形容事件是史無前例的考驗，幸好安然度過，笑言類似的事情久不久就來一趟，現已學會處之泰然。
「一定係有政治任務」
他說：「我哋做咗咁耐都知，一定係有政治任務同政治動機，亦即係話批評嘅人真係有種觀念，（認為）我哋（港大）對某啲政治議題、政治發展不利。」
近來有關他是特工的報道，鍾亦一笑置之：「如果我係特工都唔會講畀你聽，所以被擺喺一個位置我係冇得否認；但當然我會否認啦。」他自言是一個正常、普通，有良好駕駛紀錄的司機，有關描繪偏離事實。他過往已被指為特工，坦言已澄清至不想再理會的地步，指對方既有政治任務，惟有「阿Q」地繼續做好工作。
鍾也直指，不知道下一浪的攻擊會何時出現，但隨着佔中運動如箭在弦，他們將無可避免受到滋擾與壓力。身為政協常委的恒地副主席李家傑，今年3月便在北京點名炮轟港大民研計劃「不客觀」。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp